Error message

  • Notice: Use of undefined constant php - assumed 'php' in eval() (line 52 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 63 of /var/www/modules/php/php.module(80) : eval()'d code).
  • Notice: Undefined property: stdClass::$no_results in search_autocomplete_page_build() (line 74 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Notice: Undefined property: stdClass::$all_results in search_autocomplete_page_build() (line 78 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).
  • Notice: Undefined property: stdClass::$no_results in search_autocomplete_page_build() (line 74 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Notice: Undefined property: stdClass::$all_results in search_autocomplete_page_build() (line 78 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).

  • Дата публикации: 13/06/2018 - 08:59
    Мазмұны:

    2018 жылдың 5-10 маусым аралығында Астанада бокстан 15 елдің спортшылары қатысқан Қазақстан Республикасы Президентінің кубогы аясында халықаралық турнир өтті. 91 келіден жоғары салмақта бақ сынасқан жерлесіміз Қамшыбек қатарынан екінші рет жеңіс тұғырына көтерілді. Ол жарыс барысында үш кездесу өткізіп, үшеуінде жеңіске жетті. Қамшыбектің алдағы жоспары Олимпиада ойындарына жолдамаалу үшін келесі жылы Сочиде өтетін лицензиялық Әлем чемпионатына дайындалады. Сондай-ақ, айтулы додада жерлесіміз Дәметкен Келімбет 57 келі салмақта турнирдің қола жүлдесін иеленді. Қос спортшы да облыстық жоғары спорт шеберлігі мектебінде жаттығады.

  • Дата публикации: 08/06/2018 - 17:47
    Мазмұны:

    «Қызылорда облысының дене шынықтыру және спорт басқармасы» ММ ҚР-ның Білім және ғылым министрінің 27.07.2017 жылғы № 355 бұйрығымен бекітілген Білім беру ұйымдарында Қамқоршылық кеңестің жұмысын ұйымдастыру және оны сайлау тәртібінің үлгілік қағидаларына сәйкес «Қызылорда облысының дене шынықтыру және спорт басқармасының Жалаңтөс Баһадүр Сейтқұлұлы атындағы олимпиадалық резервтің облыстық мамандандырылған мектеп-интернат-колледжі» КММ-не Қамқоршылық кеңестің құрылатындығы және оның құрамы бойынша ұсыныстардың қабылданатындығы жайлы хабарлайды. Қамқоршылық кеңестің құрамын тиісті саланың уәкілетті органы бекітеді және Қамқоршылық кеңеске мүше болуға үміткерлердің жазбаша келісімімен алынған ұсыныстардың негізінде қалыптастырылады.

    Қамқоршылық кеңестің құрамына мыналар кіреді:

             1) жергілікті өкілдік, атқарушы және құқық қорғау органдарының өкілдері;

             2) жұмыс берушілер мен әлеуметтік әріптестердің өкідері;

             3) коммерциялық емес ұйымдардың өкілдері (бар болса);

             4) ата-аналар комитеті ұсынған әрбір параллель сыныптан, курстан сол білім беру ұйымында білім алушылардың бір ата-анасы немесе заңды өкілі;

             5) қайырымдылық жасаушылар (бар болса).

             Білім беру ұйымының жанынан құрылған Қамқоршылық кеңес отырысына осы білім беру ұйымының басшысы немесе оның орынбасары қатысады.

    Қамқоршылық кеңес құрамына «Білім туралы» ҚР Заңының 51-бабы 1-тармағының 2) және 3) тармақшаларында көрсетілген адамдар кіргізілмейді. Қамқоршылық кеңес мүшелерінің саны тақ, бір-бірімен және сол білім беру ұйымының басшысымен ешқандай туыстық және жекжаттық қатынасы жоқ кемінде тоғыз адамнан құрылады. Қамқоршылық кеңес мүшелерінің өкілеттік мерзімі бір жылды құрайды. Қамқоршылық кеңес мүшелері сол білім беру ұйымы қызметкерлерінің штатына кірмейді. Мемлекеттік органдардың өкілдері болып табылатын Қамқоршылық кеңес мүшелерінің саны үш адамнан аспайды. Қамқоршылық кеңестің отырысында ашық дауыс беру жолымен дауыстар басымдылығымен сайланатын (қайта сайланатын) оның төрағасы Қамқоршылық кеңестің басшысы болып табылады. Мемлекеттік органдардың өкілдері Қамқоршылық кеңестің төрағасы болып сайланбайды және оның міндеттерін жүзеге асырмайды.

    Білім беру ұйымының Қамқоршылық кеңесі:

             1) білім беру ұйымдарының білім алушылары мен тәрбиеленушілердің құқықтарының сақталуына, сонымен қатар білім беру мекемелерінің шотына түсетін қайырымдылық көмектің жұмсалуына қоғамдық бақылауды жүзеге асырады;

             2) білім беру ұйымының жарғысына өзгерістер және/немесе толықтырулар енгізу туралы ұсыныстар әзірлейді;

             3) білім беру ұйымын дамытудың басым бағыттары бойынша ұсынымдарды әзірлейді;

            4) қазақстандық азаматтардың отбасына жетім және ата-аналарының қамқорлығынсыз қалған балаларды орналастыру мәселелері жөнінде шалаларды жетілдіру бойынша ұсыныстарды әзірлейді;

             5) қайырымдылық көмек түрінде білім беру ұйымдарына түскен қаржыны бөлуге қатысады және оның мақсатты жұмсалуы туралы шешім қабылдайды;

             6) білім беру ұйымының бюджетін қалыптастыру барысында ұсыныстарды әзірлейді;

            7) тиісті саланың уәкілетті органына немесе білім саласындағы жергілікті атқарушы органына Қамқоршылық кеңестің білім беру ұйымының жұмысында анықтаған кемшіліктерді жою туралы ұсыныстар енгізеді;

           8) білім беру ұйымы басшысының білім беру ұйымының қызметі туралы, оның ішінде білім беру қызметін ұсыну сапасы, қайырымдылық көмектің жұмсалуы және қазақстандық азаматтардың отбасыларына жетім және ата-аналарының қамқорлығынсыз қалған балаларды орналастыру мәселесі жөнінде шараларды қабылдау туралы есебін тыңдайды;

             9) білім беру ұйымы қызметінің мәселелері бойынша конференцияларға, кеңестерге, семинарларға қатысады;

          10) білім беру ұйымының қызметімен, білім беру ұйымындағы білім алушыларға және тәрбиеленушілерге жасалған жағдайлармен танысады, білім беру ұйымының психологын қатыстыра отырып, олармен әңгімелеседі.

             Білім беру ұйымдарының (құрылымдық бөлімшесі) қызметкерлері Қамқоршылық кеңестің құзыретіне жататын мәселелер бойынша ақпараттарды ұсынуға ықпал етеді. Қамқоршылық кеңестің құрамы бойынша ұсыныстар «Қызылорда облысының дене шынықтыру және спорт басқармасы» ММ-не мына мекен-жайы бойынша Қызылорда қаласы,  Ғани Мұратбаев көшесі, ғимарат 3 қабылданатындығы жайлы хабарлайды.

    08.06.2018 ж.

     

     

     

  • Дата публикации: 04/06/2018 - 08:55
    Мазмұны:

    2018 жылдың 20-26 мамыр аралығында Қызылорда қаласында Аралбай Махамбетовты еске алуға арналған шахматтан Қазақстан Республикасы кубогының I кезеңі аяқталды. Жарысқа Қырғызстан елінен және еліміздің өңірлерінен 300-ден аса  шахматшы қатысты. Жарыс қорытындысы бойынша жалпыкомандалық есепте  Қызылорда облысының құрама командасы үшінші орынды иеленді. Жекелей сайысқа келетін болсақ, блиц бойынша 14 жасқа дейінгі қыздар арасында Назерке Нұрғали, ұлдар арасында Мейіржан Бармағанбетов үздік деп танылса, Әсел Серікбай қола жүлдені еншіледі. 8 жасқа дейінгі жасөспірімдер арасында Али Кәусардың мерейі үстем болды. «Ең жас шахматшы» номинациясымен 5 жасар Айжұлдыз Қанатқызы мен Данияр Зұлхарнаев марапатталды. Сондай-ақ, Қазақстан кубогы аясында ересектер арасында «Қызылорда Опен» рейтингілік турнир өткізілді. Турнирде «Үздік шахматшы» номинациясына әйелдер арасында Сақыпжамал Бармағанбетова, ұлдар арасында Әділет Ерсерік, ардагерлер арасында Юрий Егай ие болды. Жеңімпаз, жүлдегерлерге және номинация иегерлеріне медаль, диплом, кубок  және ақшалай сертификаттар берілді.

     

  • Дата публикации: 29/05/2018 - 16:08
    Мазмұны:

    2018 жылдың 26 мамыр күні Қазақстан Республикасы Президенті Н.Ә.Назарбаевтың дене шынықтыру мен спортпен айналысу бойынша жолдаған «Сенің жаңа қырың!» челленджіне қолдау білдіру мақсатында Қызлордада таңғы жаттығу гимнастикасы мен веложарыс өткізілді. Айтулы шараға спортшылар, әуесқойлар және мемлекеттік қызметкерлер қатысып, салауатты өмір салтын насихаттауға өз үлестерін қосты. Сондай-ақ, Қазақстан Республикасының мемлекеттік қызмет істері органдарының құрылғанына 20 жыл толуына орай мемлекеттік қызметшілер арасында  велосипед спортынан жарыс өткізілді. Нәтижесінде ерлер арасында мәреге бірінші болып Мейрамбек Ерубаев (ТЖД) келсе, екінші - Жандәуле Өндірей (ТЖД), үшінші - Шыңғыс Аманқұлов (Обл.сот) келді. Ал әйелдер арасында Әсел Жадырасынова (ТЖД) жарыс жеңімпазы атанды. Күміс жүлдені Анар Сәлімжан (Мем.қызмет істер департаменті) иеленді. «Жеңіске деген жігері үшін» номинациясымен Мәулен Бегалиев (Обл.спорт басқармасы) марапатталды.

  • Дата публикации: 29/05/2018 - 16:05
    Мазмұны:

    Жаңақорған ауданында 2018 жылдың 20-23 мамыр аралығында бокстан 2004-2005 жылдары туылған жасөспірімдер арасында Қазақстан Республикасының чемпионаты өтті. Облыстық дене шынықтыру және спорт басқармасының бастамасымен өткен байрақты бәсекеге еліміздің барлық аймақтарынан 200-ге жуық былғары қолғап шеберлері  20 салмақ дәрежесі бойынша өзара бақ сынасты. Ел чемпионатының ашылу салтанатына облыс әкімінің орынбасаы Руслан Рүстемов, облыстық дене шынықтыру және спорт басқармасының басшысы Олжас Акимов, Жаңақорған ауданының әкімі Ғалым Әміреев қатысты. Жарыс нәтижесінде Бағдәулет Нұрмұханбет (32 келі) пен Бақберген Тұрсынбай (34 келі) жеңіс тұғырына көтерілді. Нұрасыл Абибулла (56 келі) – күміс, Сауырбек Әбілах (42 келі) - қола жүлделерді иеленді.

  • Дата публикации: 29/05/2018 - 16:03
    Мазмұны:

    2018 жылдың 17-19 мамыр аралығында Қызылорда қаласында КСРО спорт шебері, ҚР еңбек сіңірген жаттықтырушысы Тимур Сегізбаев атында футболдан 2003 жылы туылған жасөспірімдер арасында республикалық турнир аяқталды. Турнирге  Оңтүстік Қазақстан және Қызылорда облыстарынан 9 команда қатысты. Турнир нәтижесінде Қазалы ауданының командасы көш бастаса, екінші орынды Қызылорда облысының №6 футбол жөніндегі олимпиадалық резервтің мамандандырылған балалар-жасөспірімдер мектебі, үшінші орынды Жаңақорған ауданының командалары иеленді. Жарыста «Үздік қақпашы» номинациясы бойынша Рысбек Тәңірберген (Қазалы), «Үздік қорғаушы» Нұрсәт Байсалов (Қызылорда), «Үздік шабуылшы» Еламан Қасен (Жаңақорған), «Үздік ойыншы» Диас Қайратбек (Қазалы) марапатталды. Жеңімпаз, жүлдегер командалар диплом, медаль, кубок, естелік сыйлықтармен марапатталды.

  • Дата публикации: 29/05/2018 - 15:57
    Мазмұны:

    2018 жылдың 6 мамыр күні облыстық дене шынықтыру және спорт басқармасының бастамасымен  мекеме қызметкерлері мен әуесқойлар арасында  дәстүрлі  веломарафон басталды.  Сөре «Тағзым» алаңынан басталып, мәре «Евразия» спорт кешенінде аяқталды. Нәтижесінде ерлер арасында Пазылбек Жақсылық (олимпиадалық резерв даярлау орталығы) бірінші болып келсе, тараздық Нұрбол Кулимбетов – екінші, әуесқой спортшы Берік Көпешов  – үшінші орындарды иеленді, әйелдер арасында әуесқой спортшылар Қаракөз Қизатова  жеңімпаз атанса,  екінші орынды Динара Эшатова еншіледі. Үшінші орын халыққа қызмет көрсету орталығының қызметкері Ақзия Қырықбаеваға бұйырды. «Жеңіске деген жігері үшін» - номинациясымен Жандәулет Өндірей (ТЖД) мен Қанат Қизтов ( әуесқой спортшы), «Жасы үлкен қатысушы» - 71 жастағы Александр Ким марапатталды. Жарыс жеңімпаздары мен жүлдегерлеріне облыстық дене шынықтыру және спорт басқармасының диплом, медальдары және  жарыстың бас демеушісі «Biali LTD» ЖШС бағалы  сыйлықтары табысталды.

  • Дата публикации: 29/05/2018 - 15:50
    Мазмұны:

    2018 жылдың 28 сәуір күні «Евразия» спорт кешенінде қазақ күресінен облыстық «Алтын белбеу» сайысының ақтық кезеңі мәресіне жетті. Биыл тоғызыншы мәрте ұйымдастырылған айтулы бәсеке Н.Ә.Назарбаевтың «Болашаққа бағдар: Рухани жаңғыру» бағдарламалық мақаласындағы міндеттерді жүзеге асыруға бағытталды және Астана қаласының 20 жылдығы Қызылорда қаласының 200 жылдығы аясында өткізілді. Жарыстың бірінші кезеңіне - 6839 спортшы, екінші кезеңіне -1511, үшінші кезеңі - облыстық ақтық сайысқа 250 балуан  төл өнерімізді дамытуға атсалысты. Түйе палуан сайысына 15 спортшы қатысты. Олардың арасында аралдық  Нұрым Сәлімгереев «Сыр Барысы» атанып, «Алтын белбеу» белдігі мен 1 млн. 170 мың теңгенің сертификаты табысталды. «Сыр Арланы» - қызылордалық  Мақсат Исақабыловқа 630 мың теңгенің сертификаты беріліп, «Сыр Сұңқары» - қызылордалық Жасұлан Досымовқа 360 мың теңгенің сертификаты табысталды. Үстіміздегі жылдың шілде айында Астана қаласында ҚР Президенті жүлдесі үшін өтетін «Қазақстан Барысы» республикалық турниріне Қызылорда облысынан Н.Сәлімгереев пен М.Исағабылов облыс намысын қорғайтын болады.

    Жарыс жеңімпаздары:

    2003-2004 ж.т. кіші жасөспірімдер:

    38 келі: Нұрсұлтан Хамит (Жалағаш)

    42 келі: Мағжан Жарылқасын (Шиелі)

    46 келі: Ернар Қуандық (Қызылорда)

    50 келі: Мейірбек Әлкебай (Арал)

    55 келі: Абдулазиз Тұраш (Қармақшы)

    60 келі: Дінмұхаммед Алтай  (Қармақшы)

    66 келі: Думан Файзулла (Жаңақорған)

    73 келі: Дінмұхаммед Айдарбеков (Сырдария)

    +73 келі: Саят Ысқақ (Қызылорда)

    2001-2002 ж.т. жасөспірімдер:

    46 келі: Теміржан Руслан (Жалағаш)

    51 келі: Шыңғыс Мұқанғалиев (Қармақшы)

    57 келі: Ермахан Қамар (Жаңақорған)

    64 келі: Диас Мажитов (Қызылорда)

    72 келі: Наурызбек Мамыт (Жаңақорған)

    81 келі: Асылжан Бақытжанұлы (Қызылорда)

    +81 келі: Айберген Алдаберген (Жаңақорған)

    1999-2000 ж.т. жастар:

    55 келі: Мұхит Шералиев (Қызылорда)

    60 келі: Олжас Оразалыұлы (Жаңақорған)

    66 келі: Бағдәулет Төлешов (Қызылорда)

    74 келі: Нұрсұлтан Өтепберген (Жаңақорған)

    82 келі: Еңбек Сақатағанов (Қызылорда)

    90 келі: Ринат Тоғысов (Қармақшы)

    100 келі: Нұрберген Алдаберген (Қызылорда)

    +100 келі: Нұрлыхан Шархан (Қызылорда)                                  

    Ересектер арасында:

    55 келі: Бауыржан  Райсов (Қармақшы)

    60 келі: Райымбек Рантаев (Шиелі)

    66 келі: Дархан Сержанов (Байқоңыр)

    74 келі: Рахманберді Әбдірашит (Қызылорда)

    82 келі: Ғалымжан Абдрахманов  (Қармақшы)

    90 келі: Ержан Абдуллаев (Қызылорда)

    100 келі: Мақсат Исақабылов (Қызылорда)        

    +100 келі: Еламан Ерғалиев (Қызылорда)

  • Дата публикации: 27/04/2018 - 09:13
    Мазмұны:

    Қазақстан Республикасы еңбек заңнамасының мақсаты еңбек қатынастарын және еңбек қатынастарымен тікелей байланысты өзге де қатынастарды еңбек қатынастары тараптарының құқықтары мен мүдделерін қорғауға, еңбек саласындағы құқықтар мен бостандықтардың ең төмен кепілдіктерін белгілеуге бағытталған құқықтық реттеу болып табылады. ҚР Еңбек кодексінің 24 бабына сәйкес, еңбек шарты бойынша жұмыскер жұмысты (еңбек функциясын) жеке өзі орындауға, еңбек тәртіптемесі қағидаларын сақтауға міндеттенеді, ал жұмыс беруші жұмыскерге келісілген еңбек функциясы бойынша жұмыс беруге, осы Кодексте, ҚР заңдарында және өзге де нормативтік құқықтық актілерінде, ұжымдық шартта, жұмыс берушінің актілерінде көзделген еңбек жағдайларын қамтамасыз етуге, жұмыскерге уақытылы және толық мөлшерде жалақы төлеуге міндеттенеді. Осы Кодекстің 33 бабы 3 тармағында адамды жұмысқа жіберу еңбек шартын жасасқаннан кейін ғана жүзеге асырылатындығы көзделген. Аталған еңбек заңнамасының бұзылуы жұмыскерлердің уақытылы және толық көлемде жалақы алмауына, оларға экологиялық өтемдердің төленбеуіне, жылына бір рет жалақысы сақталатын еңбек демалысының берілмеуіне, уақытша жұмысқа жарамсыздығына байланысты әлеуметтік жәрдемақының төленбеуіне, еңбек қауіпсіздігін сақтандыруға қаржы бөлінбеуіне, зейнетақы қорына төлем аударылмауына, т.б. елеулі зардаптарға әкеп соғады. ҚР Әкімшілік құқықбұзушылық туралы Кодексінің 86 бабы бойынша, жұмыс берушінің адамды еңбек шартын жасаспай жұмысқа жіберуі әкімшілік құқық бұзушылық болып табылады және бұл үшін әкімшілік жауаптылық қаралған. Яғни, жұмыс берушілердің жұмыскерлерді еңбек шартын жасаспай  жұмыс істетуі сонғыларының заңды мүдделеріне  елеулі түрде нұқсан келтіретін, олардың еңбек құқықтарын өрескел бұзатын заңбұзушылық болып табылады. Жергілікті атқарушы органдарына қарасты мекемелер мен кәсіпорындарда аталған заң бұзушылықтар болдырмау мақсатында, Қызылорда облысының еңбек саласындағы бақылау басқармасымен  Облыстық жобалық кеңсеге «Қызылорда облысының жергілікті атқарушы органдарына қарасты мекемелер мен кәсіпорындарда еңбек шарттарының бірыңғай үлгіде жасалуын қамтамасыз ету» жобасы ұсынылып, Облыс әкімдігімен 03.03.2018 ж. бекітілді. Аталған жобаны енгізудің негізгі мақсаты Қызылорда облысының жергілікті атқарушы органдарына қарасты мекемелер мен кәсіпорындарда, еңбек шарттарының бірыңғай үлгіде рәсімделуін  қамтамасыз етуді көздейді және оның жүзеге асырылуы нәтижесінде  2018 жылғы 1 шілдесіне дейін Қызылорда облысының жергілікті атқарушы органдарына қарасты 824 мемлекеттік мекемелер мен кәсіпорындарда жұмыс берушілер мен жұмыскерлер арасында 45000 еңбек шарттарының бірыңғай үлгіде жасалуына мүмкіндік береді.

    Қызылорда облысының еңбек саласындағы бақылау басқармасы

     

  • Дата публикации: 24/04/2018 - 12:43
    Мазмұны:

    2018 жылдың 23 сәуір күні Қызылордадағы «Мұз айдыны» спорт кешенінде волейболдан ерлер командалары арасында Қазақстан Республикасының XXVI чемпионатының бесінші айналымы бойынша жоғарғы лига тобы ойындары басталды. Жарысқа «Жайық» (БҚО), «Динамо-Қостанай» (Қостанай), «Ақтөбе» (Ақтөбе), «Жетісу-Жастар» (Алматы облысы), «Динамо-Қазығұрт» (ОҚО) және «Қайсар» (Қызылорда) командалары қатысуда. Жарыстың бірінші айналымы – Талдықорғанда, екіншісі – Түркістанда, үшінші кезеңі – Оралда, төртінші айналымы - Ақтөбе қаласында өткізілді. Ел чемпионатында жерлестеріміз 4 кезең ойнап, нәтижесінде 42 ұпаймен жүлделі үшінші орында келе жатыр. Бірінші орында – 48 ұпаймен Ақтөбе,  екінші орында  - 48 ұпаймен Шымкент қалалары. Чемпионаттың соңғы тур ойындары 28 сәуірде аяқталады.

Беттер

Error message

  • Notice: Use of undefined constant php - assumed 'php' in eval() (line 52 of /var/www/modules/php/php.module(80) : eval()'d code).
  • Notice: Use of undefined constant php - assumed 'php' in eval() (line 63 of /var/www/modules/php/php.module(80) : eval()'d code).
  • Notice: Undefined property: stdClass::$no_results in search_autocomplete_page_build() (line 74 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Notice: Undefined property: stdClass::$all_results in search_autocomplete_page_build() (line 78 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).
  • Notice: Undefined property: stdClass::$no_results in search_autocomplete_page_build() (line 74 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 75 of /var/www/sites/all/modules/search_autocomplete/search_autocomplete.module).
  • Notice: Undefined property: stdClass::$all_results in search_autocomplete_page_build() (line 78 of /var/www/sites/all/modules/search_autocomplete/search_autocomplete.module).
  • Notice: Trying to get property of non-object in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).
  • Warning: Creating default object from empty value in search_autocomplete_page_build() (line 79 of /var/www/sites/all/modules/search_autocomplete/search_autocomplete.module).

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика