• Дата публикации: 19/09/2019 - 17:18
    Мазмұны:

    Қызылордалықтар республикалық Паралимпиадалық ойындардан 38 медаль жеңіп алды

    2019 жылдың 12-18  қыркүйек аралығында Ақтөбе қаласында мүмкіндігі шектеулі спортшылар арасында Қазақстан Республикасының  V  жазғы Паралимпиадалық ойындары өтті.Дүбірлі бәсекеде Қызылордалық паралимпиадалық команда табысты өнер көрсетіп, 38 медаль жеңіп алды. Оның  27-і алтын, 4-уі күміс  және 7-уі қола медаль.Республикалық Паралимпиадалық ойындардың қорытындысы бойынша біздің спортшылар 17 команданың арасынан жалпы командалық есепте  жүлделі төртінші орынға ие болды.

     

  • Дата публикации: 19/09/2019 - 17:13
    Мазмұны:

    Қызылордалық самбошылар Азия чемпионатынан жеті медаль жеңіп алды

    2019 жылдың 12-15 қыркүйек аралығында Үндістанның астанасы Нью-Дели қаласында самбодан жасөспірімдер, жастар және ересектер арасында Азия чемпионаты өтті.Дүбірлі бәсекеде Сыр спортшылары 4 алтын және 3 күміс жүлделерді жеңіп алды.Марапаттың жоғары сатысына Бибіхан Нәбиева, Наргиз Воисова, Аружан Сатова және Арайлым Оразбай көтерілсе, Жанерке Асқарова, Аружан Темірғали және Диана Ғайбулла күміс жүлделерді иеленді. Самбодан жасөспірімдер арасында облыстың аға жаттықтырушысы Дархан Сержановтың айтуынша, жарысқа Қызылорда облысынан жеті спортшы қатысып, жетеуі де облыс қоржынына 7 медаль салды.

     

  • Дата публикации: 30/07/2019 - 10:56
    Мазмұны:

    Жалағаштық дзюдошы  - Азия чемпионы атанды

    2019 жылдың 27-30 шілде аралығында Тайпей қаласында (Тайвань) дзюдодан жасөспірімдер арасында өткен Азия чемпионатында еліміздің абыройын Қызылорда облысы, Жалағаш ауданының тумасы Тілеген Тынарбай қорғады.66 келіде өнер көрсеткен жас спортшы төрт кездесудің төртеуінде де қарсыластарын таза жеңіспен ұтып, Азия чемпионы атанды.17 жасар Тілеген осы жеңісіне орай дзюдодан ҚР спорт шебері атағын орындады.Бапкері - Арман Молдаханов.

     

  • Дата публикации: 24/07/2019 - 11:51
    Мазмұны:

    Қызылордалық Қамшыбек Қоңқабев пен Тұрсынбай Құлахмет бокстан Қазақстан Президенті кубогының жеңімпазы атанды

    Қызылорда облысының жоғары спорт шеберлігі мектебнің спортшылары 2019 жылдың 16-21 шілде арлығында Нұр-Сұлтан қаласында ҚР Президентінің кубогына бокстан өткен Халықаралық турнирде екі алтын медаль жеңіп алды.75 келіде сынға түскен Тұрсынбай Құлахмет финалда ресейлік Вадим Туковты айқын басымдықпен жеңіп, чемпион атанды.91 келіден жоғары салмақта Қамшыбек Қоңқабаев финалда Нұрлан Сапарбайдан басым түсті.Жаттықтырушылары: Ғалымжан Байғұндиев, Жамиль Жусупов жəне Сейітжан Төкенов.

     

  • Дата публикации: 17/06/2019 - 16:06
    Мазмұны:

    Қызылордалық спортшылар белбеу күресінен Қазақстан кубогында 1-орынды жеңіп алды

    2019 жылдың 5-9  маусым аралығында Нұр-Сұлтан қаласында ерлер мен әйелдер арасында белбеу күресінен өткен Қазақстан Республикасының кубогында жерлестеріміз 1-орынды жеңіп алды. Жарысқа 12 ерлер, 6 әйелдер командалары қатысты.Жекелей есепте әйелдер арасында Зүлфия Баянова, Алиса Нұртас, Меруерт Абубакир, Диана Ғайбулла, Мереке Құдайбергенова және Арайлым Қанзада ел кубогының жеңімпазы атанды.Ерлер арасында Райымбек Рантаев, Нұрлыбек Алдабергенов, Айберген Алдаберген, Марат Баймаханов  және Бақдаулет Имамзаданың мерейі үстем болды.  

     

  • Дата публикации: 17/06/2019 - 16:03
    Мазмұны:

    Қармақшылық Рақымжан Келманов ел спартакиадасының қола жүлдесін жеңіп алды

    2019 жылдың 24-27 мамыр аралығында Алматы қаласында жеңіл атлетикадан өткен Қазақстан Республикасының спартакиадасында қармақшылық Рақымжан Келманов қола жүлдені жеңіп алды.Ол 3000 метр кедергілер арқылы жүгіруден мəреге үшінші болып келді.Спортшыны жарысқа Мұрат Кетебаев пен Рашида Сарбасова дайындады.

     

  • Дата публикации: 17/06/2019 - 16:00
    Мазмұны:

    Қазалылық спортшылар бокстан ел спартакиадасында 4 медаль жеңіп алды

    2019 жылдың 13-20 мамыр аралығында Шымкент қаласында бокстан əйелдер арасында өткен ҚР жазғы спартакиадасында қазалылық спортшылар табысты өнер көрсетіп, 4 медаль иеленді.75 келі салмақта Ақерке Бақытжан ел спартакиадасының жеңімпазы атанса, Дəметкен Келімбет (57 келі), Таңшолпан Əлиева (69 келі) жəне Аида Оңдаш (81 келі) қола жүлделерге қол жеткізді.Спортшылар 17 Қазалы ауданының олимпиадалық резервтің мамандандырылған балалар-жасөспірімдер мектебінде тəлім алады.Спортшыларды жарысқа Қазақстанның еңбек сіңірген жаттықтырушысы Бақытбек Құлбаев дайындады.

     

  • Дата публикации: 28/05/2019 - 17:03
    Мазмұны:

    Жастар жылына орай жастар арасында бұқаралық жүгіру мен веложарыс өтті

    Облыстық дене шынықтыру және спорт басқармасының ұйымдастыруымен 2019 жылдың 25 мамыр күні Қызылорда қаласында Жастар жылына орай 18-29 жас арлығындағы жастар арасында бұқаралық жүгіру мен веложарыс өтті.Жарысқа қатысушылар «Тәуелсіздік» даңғылынан жүгіруді бастап, «Евразия» спорт кешенінің алдында мәреге жетті.Веложарыстан  Бузин Карим мен Әсем Төлемісова, жүгіруден Расул Төребек пен Галина Панасенко жарыс жеңімпаздары атанды.Жарыс жеңімпаздары мен жүлдегерлерге диплом және ақшалай сертификаттар табысталды.

     

  • Дата публикации: 28/05/2019 - 16:57
    Мазмұны:

    Жастар жылына орай жүгіру және веложарыс өтеді

    25 мамыр күні Қызылорда қаласында Жастар жылына орай 18-29 жас аралығындағы жастар арасында бұқаралық жүгіру жəне веложарыс өтеді.Ұйымдастырушы - облыстық дене шынықтыру жəне спорт басқармасы.Сөре - "Тəуелсіздік" даңғылы бойымен "Евразия" СК-нің алдында мəреге жетеді.

    Жүлде қоры:

    Бірінші орын - 100 мың теңге

    Екінші орын -  70 мың теңге 

    Үшінші орын -  50 мың теңге

     

  • Дата публикации: 28/05/2019 - 16:50
    Мазмұны:

    Сыр спортшылары ел чемпионатында 37 медаль жеңіп алды

    2019 жылдың 15 – 17 мамыр аралығында Павлодар облысы Баянауыл қаласында белбеу күресінен 2004-2006 жылдары туылған жасөспірім ұлдар мен қыздар арасында Қазақстан Республикасының чемпионаты өтті.Дүбірлі бəсекеде облыс спортшылары табысты өнер көрсетіп, 8 алтын,9 күміс, 20 қола медальдарды жеңіп алды.Марапат тұғырының жоғары сатысына Ержігіт Мейіржан, Алдаберген Нұрдәулет, Ықыласбек Нұртуған, Әлкебай Мейірбек, Бейсенбай Мұхамеджан,  Арыстанова Марлена, Қожанова Ажар және Сейілова Ұлтай көтерілді.

     

     

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика